కాల వేగాన్ని మించిన స్పీడ్.. ఒక గ్రహం నుంచి వేరే గ్రహానికి... ఒక మిల్కీ వే నుంచి మరో మిల్కీ వే వరకు
అలవోకగా జర్నీ... గాల్లో ఎగురుతాయి... శూన్యాన్ని చీల్చుకుని వెళ్తాయి...రోదసి నుంచి భూమ్మీదకు.. ఫ్లైయింగ్ డివైస్లలో రాక... వెహికిల్స్లో వాడిన ఇంధనం ఏమిటి?... ఆనాడు పెట్రోలు ఉందా?.. మరింకేదైనా ఇంధనమా?
ఇంజన్ స్పీడ్ ఎంత? హెల్మెట్లు ధరించేవారా? చారియట్స్ ఆఫ్ గాడ్స్ దేవుళ్ల రథాలు
నలభై వేల ఏళ్ల క్రితం దేవుళ్లు భూమ్మీదకు తరచూ వచ్చేవారా? వాళ్లు వ్యోమగాములా? అంతరిక్షం నుంచి అవనిలోకి ఎలా వచ్చేవారు? ఏ వాహనంపై వచ్చేవారు? టూవీలర్స్ ఉండేవా? లేక ఫోర్ వీలర్సా... అసలు వీల్సే లేని ఫ్లైయింగ్ సాసర్లా? ఎలా వచ్చే వారు.. ఒక వేళ ఫ్లైయింగ్ మిషన్ అయితే అది ఎలా ఉండేది? అందులో ఏ ఇంధనాన్ని వాడేవారు? బోలెడు ప్రశ్నలు.. ? జవాబులు వెతుక్కున్నా దొరుకుతాయో లేదో తెలియని ప్రశ్నలు.. మనం సినిమాల్లో చూసినట్లు దేవుళ్లు అనుకున్న సమయానికి మాయమై.. అనుకున్న చోటికి క్షణాల్లో చేరిపోవాలి కదా... మరి ఈ వాహనాలేమిటి? వీటి కథా కమామిషు ఏమిటి?
రోదసి నుంచి భూమి మీదకు... భూమి నుంచి తిరిగి రోదసిలోకి... సూపర్ సోనిక్ రాకెట్ కంటే వేగం.. మనం ఇవాళ ఉపగ్రహాలలో వ్యోమగాములను అంతరిక్షంలోకి పంపిస్తున్నట్లే, నాడు ఇతర గ్రహాల నుంచి కూడా భూమి మీదకు రాకపోకలు సాగాయి. అద్భుతమైన టెక్నాలజీతో తయారు చేసిన చారియట్లలో భూమ్మీదకు ప్రయాణాలు జరిగాయి. ఆ వచ్చిన వారు రోమ్ ప్రజలకు ఏంజిల్స్ అయితే, భారత దేశానికి దేవుళ్లయ్యారు.. మరి వారి వాహనాలు సూపర్ టెక్నాలజీకి రుజువులు.
2
పురాణాల్లో, ఇతిహాసాల్లో భక్తులకు దేవుడు దర్శనమివ్వటం మనకు తెలుసు. ఎన్టీయార్ సినిమాల్లో ఇలాంటి సీన్లు మామూలే.. తపస్సు చేస్తే దేవుడు ప్రత్యక్షమవుతాడు.. యజ్ఞం చేస్తే దేవుడు వచ్చేస్తాడు.. నోములు నోస్తే అమ్మవారు కరుణిస్తుంది. దివి నుంచి భువికి దిగి వచ్చి కోరిన వరాలను కొండంత ఇచ్చి వెళ్లిపోతారు. నిజానికి వాళ్లు ఎలా వచ్చేవారు.. ఎలా వెళ్లి పోయేవారు? వారు ఉపయోగించిన వెహికిల్స్ ఏమిటి?
మహాశివుడికి నంది వాహనం.. విష్ణుమూర్తికేమో గరుత్మంతుడు, అమ్మల్లో ఒక అమ్మకేమో సింహం, మరో అమ్మకు హంస... ఇంద్రుడికి ఏనుగు.. గణపతికి ఎలుక.. కుమారస్వామికి నెమలి, అయ్యప్పకు పెద్ద పులి.. ఏమిటివి? వాహనాలేనా? దేవుళ్లను చూస్తేనేమో మన లాగే కనిపిస్తారు.. కాకపోతే వేషంలో కాస్త డిఫరెంట్.. మరి అలాంటప్పుడు ఈ జంతువులపై దేవుళ్లు తిరగటమేమిటి? భక్తుల కోర్కెలు తీర్చేందుకు ఈ వాహనాలపైనే వాళ్లు వచ్చేవారా? లేక వేరే వాహనాలేమైనా ఉన్నాయా? అసలు దేవుళ్లకు ఉన్న వాహనాలేమిటి?
గుర్రాలు పూన్చిన రథాలపై రామాయణ, మహాభారత యుద్ధాలు జరిగాయన్నది మనకున్న సినిమా నాలెడ్జి. కానీ అంతకంటే అడ్వాన్స్డ్ టెక్నాలజీ మన వాళ్ల సొంతం. రోదసి నుంచి గాడ్స్ సూపర్ టెక్నలాజికల్ ఎయిర్ వెహికిల్స్పై తిరిగేవారు. ఒక గ్రహం నుంచి మరో గ్రహానికి వెళ్లేవారు.. మనుషులకూ హెల్ప్ చేసేవారు. ఇవే వారికి రథాలు.. మనకు విమానాలు.. జస్ట్ అంతే తేడా..
దేవుళ్లకు జంతు వాహనాలన్నది మన ఇతిహాసాల్లో ప్రతీకాత్మకంగా చెప్పిందే తప్ప.. మరేమీ కాదు.. ఆయా దేవీ దేవతల స్వరూప స్వభావ సామర్థ్యాలను బట్టి ఆయా జంతు వాహనాలను మనమే కల్పించుకున్నాం. కానీ, వాళ్లు ఇంతకంటే జెట్స్పీడ్ వాహనాల్లో తిరిగారు.
గ్రహాంతర వాసులు, గాడ్స్ భూమ్మీదకు వచ్చి వెళ్లినట్లు ప్రీ -హిస్టారిక్ ఆనవాళ్లు చాలా ఉన్నాయి. పెరూ ఇందుకు పెద్ద ఉదాహరణ.. పెరూలోని నాజ్కా ప్రాంతంలో ౪౦ వేల ఏళ్ల నాటి ఎయిర్ఫీల్డ్లు కనిపించాయి.
గాడ్స్ ఎయిర్క్రాఫ్ట్లకు సంబంధించిన నమూనాలు కూడా వరల్డ్ ఆర్కియాలజిస్టులకు లభించాయి. అంతే కాదు.. పెరూలో కనిపించిన కొన్ని బొమ్మల్లో ఇతర గ్రహాల నుంచి వచ్చిన వాళ్లవీ ఉన్నాయి. వాళ్లు హెల్మెట్ కూడా ధరించినట్లు తెలుస్తోంది.
జీసెస్కు సంబంధించిన బైబిల్ చిత్రాల్లో, రామాయణ భారతాలకు చెందిన ప్రాచీన పెయింటింగ్స్లో ఏంజిల్స్ ఎయిర్క్రాఫ్ట్స్ను మనం చూడవచ్చు. ఎగిరే రథాలపై తిరుగుతూ యుద్ధాలు కూడా చేసినట్లు ఈ బొమ్మలు చెప్తున్నాయి. అంటే మన పురాణాలు, ఇతిహాసాల్లో పేర్కొన్న అంశాలు, బైబిల్ చెప్తున్న కథలు, ఖురాన్ విప్పి చెప్పిన విషయాలు పూర్తిగా సత్యదూరం కావన్నమాట.
3
మనం ఇవాళ ఉపగ్రహాలను పంపిస్తున్నాం.. స్పేస్ రీసర్చ్ కోసం వ్యోమగాములు వాటిలో వెళ్తున్నారు. స్పేస్ టూరిజం కూడా డెవలప్ అవుతోంది.. స్టోన్ ఏజ్లో కూడా ఇతర గ్రహాల నుంచి మన ప్లానెట్పైకి గ్రహాంతర వాసులు వచ్చేవారా? అవుననటానికి చాలా ఆధారాలున్నాయి. చిత్రాల్లో సాక్ష్యాలు కనిపించాయి. ఆర్కియాలజికల్ ఎవిడెన్స్ కూడా చాలినంత ఉంది.. దేవుళ్లు కూడా భూమికి ఆవల ఉండేవారు కాబట్టి వాళ్లూ గ్రహాంతర వాసులే కదా... మనిషికి సహాయం చేసేందుకు వారూ ఇలాగే వచ్చేవారా?
1969 జూలై 20౦ నీల్ ఆర్మ్స్ట్రాంగ్ చంద్రుడిపై తొలి అడుగు మోపిన మనిషి.. ఈ భూమ్మీద నుంచి మరో గ్రహానికి వెళ్లిన తొలి వ్యక్తి. జస్ట్లైక్ గ్రహాంతర వాసి..
2008 మేలో వాటికన్ ఒక ప్రెస్ రిలీజ్ చేసింది. ఇతర గ్రహాల్లో జీవులు ఉన్నట్లు ఆధారాలున్నాయన్నది ఆ ప్రెస్నోట్ సారాంశం..
2002లో మార్స్లో ఐస్ కనిపించింది.. నీటి ఆధారాలు ఉన్నట్లు తేలింది.
ఇవన్నీ ఇతర గ్రహాల్లో జీవులు ఉన్నారనటానికి క్రమంగా బలపడుతున్న ఆధారాలు.. వీటన్నింటికీ మించి 1968లో అంటే నీల్ ఆర్మ్స్ట్రాంగ్ చంద్రుడిపైకి వెళ్లటానికి సరిగ్గా ఏడాది ముందు ఎరిక్ వాన్డానికెన్ అన్న పరిశోధకుడు చారియట్ ఆఫ్ గాడ్స్ పుస్తకాన్ని ప్రచురించాడు. సైన్స్కు అందని అనేక విషయాలను, అంతుపట్టని అంశాలను ఇందులో చర్చించాడు. బైబిల్, ఖురాన్, భారత రామాయణ, భగవద్గీతల్లో, వివిధ పురాణ ఇతిహాసాల్లో దేవతల గురించి చెప్పిన అంశాలు, ప్రాచీన నాగరికత ఆనవాళ్లలో బయటపడ్డ అరుదైన ఆధారాలతో పోల్చుకుని చూశాడు.. దేవతలు, గ్రహాంతర వాసులు గతంలో, కొన్ని వేల ఏళ్ల క్రితం ఈ భూమ్మీదకు తరచూ వచ్చేవారు.. మనుషులతో చెలిమి చేశారు.. సహాయం చేశారు.
భూమ్మీద నాగరికత అభివృద్ధి చెందడంలో గాడ్స్ పాత్ర చాలా కీలకమైంది. ఈస్టర్ ఐలండ్లోని జెయింట్ స్టోన్స్, గిజా పిరమిడ్లు, ఈజిప్ట్ పిరమిడ్లు, సింధులోయ నాగరికత, హరప్పా, మొహంజదారోల్లో లభించిన అనేక ఆనవాళ్లు గ్రహాంతర వాసులతో మనుషుల సంబంధాలను బలపరుస్తున్నాయి. మన వాళ్లు ఆనాడే విమానాలను తయారు చేయటం, విమాన శాస్త్రాలను రచించటం వెనుక వీరి ప్రమేయం తప్పక ఉండి ఉండాలి.
రాతి యుగానికి ముందు కాలం నాటి కొన్ని ఆనవాళ్లు, రూపాలు ఇవాళ్టి ఆధునిక విమానాల కంటే టెక్నాలజీలో చాలా ముందున్నాయి. కొన్ని ప్రాచీన పెయింటింగ్స్లో ఉన్న స్పేస్ షటిల్స్, విమాన శాస్త్రంలో కనిపించే నమూనాలతో సరిపోలుతున్నాయి. వెరసి, దేవతలు తమ ఆధునిక వాహనాలపై భూమికి వచ్చి పోయారన్నది సైన్స్ కూడా దాదాపు నిర్ధారణకు వచ్చేస్తోంది.
4
ఆధునిక వాహనాలు... దేవతలు.. లేదా గ్రహాంతర వాసులు వాడిన వాహనాలు ఎలాంటి టెక్నాలజీతో తయారయ్యాయి? అవి గాల్లో ప్రయాణించటానికి కానీ ఎలాంటి ఇంధనాన్ని వాడారు? వాటితో యుద్ధం చేయటం సాధ్యమేనా? అప్పుడే అంత టెక్నాలజీ వారికెలా సొంతమైంది? అంటే గ్రహాంతర వాసులు, గాడ్స్ మనుషుల కంటే ఎంతో ఇంటెలిజెంట్సా.. నిజమే.. గాడ్స్ టెక్నాలజీ ఆ రోజుల్లోనే సూపర్ సోనిక్ ఏజ్ని క్రియేట్ చేసింది.
రామ రావణ యుద్ధం జరుగుతున్న సమయంలో రాముడికి దేవతలు రథాన్ని పంపించారట... రావణుడు అప్పటికే విమానాల తయారీలో ఎక్స్పర్ట్.. ఆయన గాల్లో ఎగిరే రథంతో యుద్ధభూమికి వచ్చాడు.. రావణుడి ఎయిర్క్రాఫ్ట్ గురించి, అతని ఎయిర్పోర్ట్ల గురించి గతంలో విన్నాం.. రాముడికేమో దేవతలు తమ వెహికిల్ను క్షణాల్లో పంపించారు..
గాడ్స్ వాహనాల గురించి వరల్డ్ ఆర్కియాలజిస్టులు చాలా పరిశోధనలే చేశారు. ఆనాటి స్పేస్ వెహికిల్స్కి ఇటు భూ వాతావరణంలో, అటు అంతరిక్షంలో అత్యంత వేగంగా ప్రయాణించే సామర్థ్యం ఎలా వచ్చింది? ఒక్కో ప్లానెట్ మధ్య దూరం కొన్ని లక్షల కిలోమీటర్లు ఉంటుంది. అలాంటప్పుడు స్పేస్ క్రాఫ్ట్లు కానీ, ఇతర ఎయిర్క్రాఫ్ట్లు ఎలా ప్రయాణించేవి.. అందులో ఏ ఇంధనం వాడారన్నదానిపై చాలా రీసర్చే జరిగింది..రోదసిలో హైడ్రోజన్ వాయువు చాలా అధికంగా ఉంటుంది. భూ వాతావరణంలో దాని పరిమాణం తక్కువగా ఉంటుంది. గ్రహాంతర వాసులు, గాడ్స్ రోదసిలోని హైడ్రోజన్ను విజయవంతంగా క్యాప్చర్ చేయగలిగారు. కాబట్టే హైడ్రోజన్ను ఇంధనంగా వాడుకున్నారు. దాని వల్లే అత్యంత వేగంగా ఎక్కడికైనా వెళ్లి రాగలిగే శక్తి సామర్థ్యాలు వారికి వచ్చాయి.
రావణుడి కాలంలో మనుషులు వాడిన విమానాల్లో మెర్క్యురీని ఇంధనంగా వాడినట్లు తెలుస్తోంది. భూవాతావరణంలో ఆనాడు వారికి హైడ్రోజన్ అవసరం రాలేదు. మెర్క్యురీని ఇంధనంగా ఉపయోగించారు.. దీని వల్ల గాడ్స్ వెహికిల్స్ కంటే తక్కువే అయినా, ఇవాళ మనం ఉపయోగిస్తున్న విమానాల కంటే ఎన్నో రెట్లు వేగంగా ప్రయాణించేవి.
ఈ వెహికిల్స్లో ఇంజన్లు కూడా రాకెట్లలో వాడే జెట్ ఇంజన్ల లాంటివేనని ఖగోళ శాస్త్రజ్ఞుల అభిప్రాయం. దీనివల్లనే స్పీడీనెస్ను సాధించగలిగి ఉండవచ్చు. భారతీయ విమాన శాస్త్రంలో చూపించిన నమూనాల్లోనూ జెట్ ఇంజన్ ప్రస్తావన ఉంది. నాటి విమానాలకు వార్హెడ్స్ కూడా ఉన్నట్లు తెలుస్తోంది. ప్రాచీన నాగరికతలో దొరికిన ఆనవాళ్లు, మనుషులకు టెక్నాలజీపరంగా గాడ్స్, గ్రహాంతర వాసుల నుంచి పూర్తి సహకారం అందినట్లు చెప్తున్నాయి.
గ్రహాంతర వాసులను గాడ్స్గా వాటికన్ సిటీ పరోక్షంగా అంగీకరించింది. మన ఇతిహాసాలు, చారిత్రక ఆధారాలు, ఖగోళ పరిశోధనలు వీటిని ఎప్పుడో నిర్ధారించాయి. చారియట్స్ ఆఫ్ గాడ్స్ రచయిత ఎరిక్ వాన్డానికెన్ వాళ్ల ఉనికిని స్పష్టం చేస్తున్నాడు.. ప్రపంచంలో ప్రాచీన నాగరికత అభివృద్ధికి వాళ్లు దోహద పడ్డారనటానికి అన్ని రకాల ఆధారాలను చూపిస్తున్నాడు. ఇక ఎంతమాత్రం ఖండించే వీలు లేదని స్పష్టం చేస్తున్నాడు.
0 comments:
వ్యాఖ్యను పోస్ట్ చెయ్యండి