కేసీఆర్ సార్.. ఈ హామీ ఏమైంది?

లక్ష రూపాయల లోపు రుణ మాఫీ ఎప్పుడని రైతలడిగే ప్రశ్నలకు సమాధానం చెబుతారా? ఇప్పటికీ పాతిక వేల రూపాయల లోపు రుణాలను మాత్రమే పూర్తిగా మాఫీ చేశారు. బడ్జెట్ సమయంలో 90 వేల వరకు మాఫీ అవుతుందని ఊరించారు. కానీ ఇప్పటికీ ఆ మాటే లేదు. దాదాపు 36 లక్షల మంది రైతులకు రుణ మాఫీ చేయాల్సి ఉందని అంచనా. ఇందులో దాదాపు 6 లక్షల మంది రైతులకు రుణ మాఫీ అయ్యిందని భావిస్తున్నారు. మిగిలినవారు ఇప్పటికీ ఆశగా ఎదురుచూస్తూనే ఉన్నారు.