అంతా తుస్‌...

తెలంగాణ ప్రాంత రాజకీయ నాయకులు ప్రజల్ని మరోసారి నయవంచన చేశారా? ఇప్పుడు ఆ ప్రాంత ప్రజలందరిలోనూ వ్యక్తమవుతున్న ఆగ్రహం వెనుక దాగిన సందేహం ఇది... స్పీకర్‌ తనకు సమర్పించిన రాజీనామాల్లో 129 రాజీనామాలు ఆమోదయోగ్యం అయ్యేలా ఆర్డర్‌లో లేవని విస్పష్టంగా తేల్చి చెప్పి తిరస్కరించటం ప్రజలకు మింగుడుపడని అంశం... ఈ 129 మందిలో తెలంగాణా వారితో పాటు ఆంధ్ర, రాయలసీమ నేతలు కూడా ఉండి ఉండవచ్చు. కానీ, తెలంగాణా ప్రధానాంశం నేపథ్యంలో ఉద్యమాలు సాగుతున్న నేపథ్యంలో నేతలు నిజాయితీ మరచి కావాలనే ఇలా చేశారా? ఇంతకాలం వాళు్ల చేస్తున్న ఆందోళన అంతా ప్రజల్ని మభ్యపెట్టడానికేనా?

తెలంగాణా నేతలు అంతా తుస్సు మనిపించారు.. ఇంతకాలం వాళు్ల చేసిన ఉద్యమం అంతా ఒఠ్ఠిదేనని తేలిపోయింది... రాజీనామాలతో రాజ్యాంగ సంక్షోభాన్ని సృష్టిస్తామని ప్రభుత్వాన్ని నడవనీయకుండా అడ్డుకుంటామని పోటీలు పడి ప్రసంగాలు చేసిన వాళ్లందరిదీ నాటకమేనని స్పష్టమైంది. స్పీకర్‌కు వాళు్ల చేసిన రాజీనామాలన్నీ ఉత్తుత్తివేనని స్పీకర్‌ తేల్చేశారు..
ఆంధ్రప్రదేశ్‌ విభజన గురించి విద్యార్థులు ఉద్యమాలు ప్రారంభించినప్పటి నుంచీ రాజకీయ నాయకులు ఉపన్యాసాలకు, సమావేశాలకు మాత్రమే పరిమితమయ్యారు..ఏనాడూ ప్రత్యక్ష ఆందోళనల్లో పాల్గొనలేదు. ఉద్యమాలు చేస్తున్న విద్యార్థుల దగ్గరకు వెళ్లి అడపాదడపా సంఘీభావం తెలపడం తప్ప వాళు్ల ప్రత్యక్షంగా ఉద్యమంలో పాలుపంచుకున్నది లేదు. పైగా ఇష్టం వచ్చిన వ్యాఖ్యానాలు చేసి విద్యార్థుల ఆగ్రహానికి గురైన సందర్భాలూ ఉన్నాయి.
ప్రజల్లో భావోద్వేగాలు పెరిగిపోయిన తరువాత రాజకీయ పార్టీలన్నీ ఒక్క వేదికపైకి రాకతప్పలేదు. అన్ని పార్టీలూ కలిసి జెఏసి పేరుతో ఓ కుంపటి పెట్టుకుని రాజీనామాల డ్రామా నడిపించాయి. హైదరాబాద్‌లో కూర్చుని మీటింగుల మీద మీటింగులు పెట్టుకుని తెగ మంతనాలు జరిపాయి.
ఉస్మానియాలో వేణుగోపాల్‌ రెడ్డి ఆత్మహత్య నేపథ్యంలో కెసిఆర్‌ పార్టీ సభ్యులు తెగ ఆవేశంతో స్పీకర్‌ ఇంటి ముందుకు వెళ్లి రాజీనామాలు ఆమోదిస్తారా లేదా అంటూ రాత్రిపూట హడావుడి చేసి అరెస్టులు కూడా అయ్యారు.. ఈ డ్రామాలో హరీష్‌, కెటిఆర్‌, ఈటెల వంటి వారు పాల్గొన్నారు కూడా..
తమతో పాటు మీరూ రాజీనామాలు చేయకపోతే ఇక ఊరుకునేది లేదంటూ ఇతర పార్టీల వారికి డెడ్‌లైన్ల విధింపులు ఎప్పటిలాగే టిఆర్‌ఎస్‌ మేధావులు చేసేశారు... కాంగ్రెస్‌ వాళూ్ల ఒత్తిడికి లోనైనట్లే కనిపించారు... చివరకు జనవరి 28 తేదీ గడిచిపోయింది. సహజంగానే గడువూ వారం రోజులు పొడిగించేశారు.. తీరా చూస్తే అంతా తుస్సేనని తేలిపోయింది. అసలు రాజీనామాలు ఆమోదయోగ్యంగా ఉన్నప్పుడు కదా.. ఏ గడువుకైనా విలువ ఉండేది..?
ఇవాళ రాజీనామాల తిరస్కరణతో తెలంగాణ నేతల డొల్లతనం ఏమిటో అర్థమవుతోంది... రాజీనామాలను తాము సమర్పిస్తున్నప్పుడు అవి సరైన పద్ధతిలో ఉన్నాయా లేదా అన్నవి వాళ్లకు తెలియవా? లేక తెలిసే ఇలా చేశారా? ప్రతిరోజూ తమ ప్రాంతంలో ఆత్మహత్యల పరంపర కొనసాగుతోంది.
విద్యార్థులు తమ విద్యాసంవత్సరాన్ని పణంగా పెట్టి ఆందోళనల్లో పాల్గొంటున్నారు...
మరి ప్రజాభీష్ఠాన్ని భుజాన వేసుకుని ముందుకు తీసుకువెళ్లాల్సిన నాయకులు మాత్రం ఇలా వ్యవహరిస్తే ప్రజల్లో విశ్వసనీయత ఎలా ఉంటుంది? ఇప్పటిదాకా జెఎసి పేరుతో వీళు్ల చేసిన ప్రసంగాలు, సందేశాలు.. వేటిల్లోనూ చిత్తశుద్ధి లేనట్లేనా? ప్రజల్లో విశ్వాసమే కల్పించలేని వాళు్ల ఇక రాషా్టన్న్రి ఎలా సాధిస్తారు? జనాల్ని మభ్యపెట్టి వీళు్ల సాధించదలచుకున్నదేమిటి? రాజీనామాలను స్పీకర్‌ తిరస్కరించారు.. జనం వెర్రివాళై్ల స్పీకర్‌ నిర్ణయాన్ని చూస్తూ ఉండిపోయారు.. ఇప్పుడు నేతలు ఏం చేస్తారు?