తెలంగాణ ఉద్యమం లో రోశయ్య పై కుట్ర

తెలంగాణ ఉద్యమం రోశయ్య కుర్చీ కిందకు నీళు్ల తీసుకురానుందా? రోశయ్య వ్యతిరేక వర్గం ఉద్యమాన్ని పక్కదారి పట్టించేందుకు ప్రయత్నించనుందా? సిఎం సీటునుంచి రోశయ్యను తప్పించేందుకు ఉద్యమాన్ని పావులా వాడుకునేందుకు ప్రయత్నం జరుగుతున్నదా? టిఆర్‌ఎస్‌ అదే చెప్తోంది... నేతలు అదే ఆరోపిస్తున్నారు... కానీ వాస్తవం ఏమిటి? ఉద్యమాన్ని కాంగ్రెస్‌లోని రాజకీయ శక్తులు తమకు అనుకూలంగా మార్చుకుంటున్నాయా?

తెలంగాణ ఉద్యమం వడివడిగా అడుగులు వేస్తూ ముందుకు కదులుతోంది. సర్కారుకు ఊపిరి సలపనీయకుండా, రోజుకో రూపంలో, రోజుకో మార్గంలో ఉద్యమాన్ని విద్యార్థులు, మేధావులు, వివిధ వర్గాల తెలంగాణ ప్రజలు ఉధృతంగా ముందుకు తీసుకువెళు్తన్నారు... ఎల్లుండి జరుగబోయే అసెంబ్లీ ముట్టడి పన్నెండు రోజుల ఉద్యమ ప్రస్థానంలో అతి పెద్ద మలుపు...
శాసన సభ సమావేశాలు ఓ పక్క జరుగుతుండగా అసెంబ్లీని ముట్టడించే ప్రయత్నం చేయటం విద్యుత్‌ ఉద్యమం తరువాత ఇదే తొలిసారి.. కానీ, ఈ మహా ముట్టడి వెనుక కుట్రకోణం దాగి ఉందని తెలంగాణ రాష్ట్ర సమితి తీవ్రంగానే ఆరోపిస్తున్నది. ఉద్యమంలో మావోయిస్టులు, ఇతర అసాంఘిక శక్తులు చేరి హింసాత్మకం చేసే అవకాశం ఉందని ఓ వైపు పోలీసులు చేస్తున్న ప్రచారాన్ని తిప్పి కొడుతూనే ముఖ్యమంత్రి రోశయ్యను గద్దె దింపడానికి అసెంబ్లీ ముట్టడిని పావులా వాడుకుంటున్నారన్నది తెరాస వాదన.
మరో సీనియర్‌ నాయకుడు నాయిని నర్సింహారెడ్డి ఇంకాస్త దూకుడుగా ముందుకెళ్లి దివంగత వైఎస్‌ సన్నిహితుడు కెవిపిని వేలెత్తి చూపిస్తున్నారు...
గతంలో చెన్నారెడ్డిని, ఇతర కాంగ్రెస్‌ ముఖ్యమంత్రులను దింపేందుకు రకరకాల కుట్రలు జరిగిన ఆరోపణలను కాంగ్రెస్‌లోని అసమ్మతి వర్గాలు ఎదుర్కొన్నాయి. ఇప్పుడు కూడా అదే పరిస్థితి ఉత్పన్నమైంది. అయితే ఈ ప్రచారం అంతా రోశయ్యను పక్కకు తప్పించేందుకా? లేక తెలంగాణ ఉద్యమం నుంచి ప్రజల దృష్టిని మళ్లించేందుకా? లోగుట్టు తెలిసేదెవరికి?